Mediu dhe Ndoka: Opozitë e fortë në Parlament
Nga OraNews Përditësimi i fundit 2 Shtator 2013, 14:15
Opozitë e fortë në Parlament. Kjo është garancia që japin aleatët e Partisë Demokratike para fillimit të sesionit parlamentar dhe me daljen e së djathtës në opozitë.Kreu republikan Fatmir Mediu dhe ai demokristian Nard Ndoka thonë se opozita do të jetë e fuqishme përballë një mazhorance qeverisëse që mund të bjerë në çdo moment.Mediu dhe Ndoka flasin edhe për krijimin e mundshëm të polit të tretë politik. Ndërsa për Mediun është e rëndësishme forcimi i së djathtës, për demokristianin Ndoka krijimi i polit të tretë do t`i jepte më shumë hapësira partive të vogla politike.Mediu dhe Ndoka ndajnë të njëjtin mendim për lëvizjen e kryeministrit Rama me kabinetin e tij. Ata thonë se Rama po sillet akoma sikur të jetë në opozitë me takimet e tij ndërsa nuk ka një strategji të qartë përveçse paraqet një panoramë nihiliste para shqiptarëve.
