Shiste drogë me rrogë në administratë, si ra në pranga Klaudio Malaj, nënpunësi i UKT-së?

Nga OraNews Përditësimi i fundit 24 Shtator 2022, 20:21

Klaudio Malaj i arrestuar një javë më parë nga policia e Tiranës rëzulton shofër i një drejtuesi të një institucioni në varësi të bashkisë Tiranë. Nga hetimet ka rezultuar se 31 vjeçari gjatë momëntit të arrestimit i janë gjetur 35 doza kokainë si dhe në banesë janë sekuestruar 3 armë zjarri.

Gjykata e Tiranës ka vlerësuar të ligjshëm arrestimin e Klaudio Malaj dhe ka caktuar masën e arrestit me burg për veprat penale prodhim dhe shitje narkotikësh dhe armëmbajtje pa leje.

Burimet jo zyrtare bëjnë më dije se Malaj është shofer i një insitucioni të rëndësishëm pranë bashkisë së Tiranës, ku i arrestuari ka qenë i emëruar edhe tek ndërmarrja e Ujësjellës-Kanalizime.

Ndalimi i tij ndodhi më datën 18 shtator rreth mesantës gjatë një kontrolli të ushtruar nga efektivët e Repartit "Shqiponja" në rrugën "Kokonozi" në Tiranë.

Sipas burimeve të sigurta në makinën e Malajt janë gjetur 35 doza kokianë që ishin gati për shitje.

Këto doza janë gjetur në një kuti syzesh dhe një kuti cigaresh. Përveç dozave të kokainës Malajt i janë gjetur 3 armë zjarri pistolete dhe municion luftarak ne banesë.

Po ashtu Prokuroria ka ushtruar kontroll në banesën e Klaudio Malajt ku gjatë kontrollit, në salon në një dollap u gjet një çantë e zezë sportive brenda së cilës u gjet kokainë, një peshore elektronike.

Në dhomën e gjumit të Malajt, në komodinën ngjitur me krevatin, u gjetën në një kuti metalike ku brenda saj ndodhej një armë zjarri pistoletë pa karikator të vendosur dhe pa fishek në fole, nje armë zjarri pistoletë model "Zastava" me mulli, pa fishek në fole, një armë zjarri me pistoletë e vogël me ngjyrë gri.

Policia i ka gjetur kokainën dhe armët pa leje dhe gjatë ndalimit të tij ai është mundur t’i shmaget kontrollit duke treguar këtë steme të bashkisë së Tiranës, ku ka treguar se punon pranë këtij institucioni.

Burimet i thanë Ora News se ka dyshime të fortë që këtë aktivitet Klaudio Malaj nuk e kryente i vetëm prandaj hetuesit kanë disa persona nën vëzhgim të cilët punojnë pranë institucioneve të rëndëshishëm. 

Në një reagim të mëvonshëm PD i kërkon SPAK të hetojë kryebashkiakun Veliajn dhe drejtorin Qato  

(Shenim: Lajmi u perditeesua)