Bashkia Pustec pa një farmaci, banorët bëjnë qindra kilometra për ilaçe
Nga Iris Rezhda Përditësimi i fundit 24 Shtator 2022, 12:06
Bashkia e Pustecit në Juglindje të vendit nuk ka asnjë farmaci. Më shumë se 3 mijë banorët e kësaj bashkie të Vogël duhet të udhëtojnë me dhjetëra kilometra për të marrë ilaçet në Korçë ose në Pogradec.
E vetmja bashki në Shqipëri që nuk ka një farmaci është ajo e Pustecit.
Banorët atje nuk kanë se ku të blejnë as ilaçet bazë për sëmundjet e thjeshta.
"Nuk ka farmaci," thonë banorët.
Ata thonë se kur të kenë probleme shëndetësore, ose i drejtohen vetë Korçës dhe Pogradesit ose porosinë ua sjell një mjek vendas.
"Paguajmë doktorin për ilaçe.
I sjell një doktor ilaçët, ne pensionista jemi," thonë ata.
Banorët thonë se farmacia është e domosdoshme ndaj apelojnë që të gjendet një zgjidhje edhe nga shteti.
"Të them atë që është: Turp i madh që gjithë kjo zonë që është këtu të shkojmë në Korçë për një ilaç. Doktori s'ka faj. Farmaci të jetë e hapur dhe të ketë farmacistë," thonë ata.
Pusteci është bashkia më e vogël e Shqipërisë dhe popullsia sipas censusit të 2011 arrin në 3290 banorë.
