Rama: Nëse Kosova do të ishte pjesë e 'Open Balkan', do ishte arritur me kohë marrëveshja me Serbinë
Nga Ora News Përditësimi i fundit 2 Shtator 2022, 14:22
Në konferencën për gazetarët pas samitit të Open Ballkan në Beograd, kryeministri Rama ka komentuar dhe finalizimin e marrëveshjes Kosovë-Serbi.
Sipas tij, nëse Kosova nuk do të kishte refuzuar vazhdimisht pjesëmarrjen në Open Ballkan, marrëveshja e reciprocitetit do të ishte arritur me kohë.
"Zgjidhja që iu dha një ngërçi të gjatë dhe të përsëritur është një zgjidhje e kornizës së Open Ballkan në sensin që ne të gjithë këtu në Ballkanin e Hapur qarkullojmë me karta identiteti, prej kohësh.
Sot ata që lëvizin nga Shqipëria për në Maqedoninë e Veriut, Serbi nuk kanë nevojë për pasaportë.
Thashë gjithashtu që nëse Kosova do të ishte në tryezën e Ballkanit të Hapur dhe nuk do refuzonte në mënyrë konstante dhe në këndvështrimin tim, e gabuar, kjo çështje do të ishte zgjidhur me kohë," tha ai.
