Shkretohen fushat e Tërbufit, disa vatra zjarri shkrumbojnë dhjetra hektarë tokë në Lushnje
Nga OraNews Përditësimi i fundit 14 Korrik 2022, 16:00
Fushat e Tërbufit u shkretuan këtë të enjte, pasi disa vatra zjarri u shfaqën në harkun e një ore dhe përshkruan dhjetra hektarë tokë.
Fusha e Tërbufit në Lushnje u dogj.Rreth 20 vatra zjarri shpërthyen brenda një ore në arat e korrura të grurit dhe kanalet e tokave bujqësore.
Dhjetra hektarë u përshkuan nga flakët.
Edhe kjo kamionçinë u shkrumbua mes tokave në Zham Fshat.
Pronari kishte dalë në arë për të mbledhur kashtën, por flakët i dogjën mjetin dhe ushqimin për bagëtinë.
Për minuta me radhë gjendja ishte alarmante.
Për shkak të erës dhe bimëve flakët u përhapën me shpejtësi.
Ndërhyrja e forcave zjarrfikesë ishte e pamundur.
Fatmirësisht situta përfundoi vetëm me demë materiale edhe pse rrezikoi të përsërisë skenarin e pak javëve me parë, kur një i moshuar u dogj në zjarrin që ndezi vetë.
Ende mbetet e paqartë nësë ishte zjarrvënie e qëllimshme, apo zjarr i ndezur për pastrimin e tokave që më pas doli jashtë kontrollit.
