Prostitucion, kokainë e armë, policia bastis hotelin në Tiranë
Nga OraNews Përditësimi i fundit 21 Qershor 2022, 13:03
Kishte përshtatur ambientet e hotelit në Tiranë për ushtrim prostitucioni dhe përdorim droge.
Policia arrestoi pronarin si dhe dy grua dhe 4 burra për akuzën e prostitucionit dhe prodhim dhe shitje të narkotikëve
Operaiconi u kodua “Triple” pasi në hotel ushtroheshin tre aktivitete të paligjshme përdorim droge, ushtrim prostitucioni dhe mbajte armë zjarri pa leje.
Gjatë kontrollit të ushtruar në njërën prej dhomave ku zhvillohej veprimtaria e kundërligjshme e prostitucionit, është gjetur një sasi lënde e dyshuar narkotike kokainë, e cila u sekuestrua në cilësinë e provës materiale së bashku me një armë zjarri pistoletë, municion luftarak, shuma parash të dyshuara të përfituara nga këto veprimtari kriminale, dy aparatura DVR, dy peshore elektronike dhe katër aparate celulare, që u gjetën në ambientet e tjera të hotelit në pronësi të shtetasit P. H” informoi sot policia e Tiranës.
Si rezultat i këtij operacioni, u arrestuan në flagrancë shtetasit:
- P. H., 52 vjeç, banues në Tiranë, për veprat penale "Përshtatja e lokalit për përdorim droge", "Mbajtja e lokaleve për prostitucion", "Prodhimi dhe shitja e narkotikëve" dhe "Prodhimi dhe mbajtja pa leje e armëve të zjarrit, armëve shpërthyese dhe i municionit";
- I. Sh., 41 vjeç, banues në Tiranë, për veprat penale "Prodhimi dhe shitja e narkotikëve" dhe "Moskallëzimi i krimit";
- M. M., 35 vjeçe dhe F. K., 39 vjeç, të dy banues në Tiranë, për veprat penale "Prodhimi dhe shitja e narkotikëve" dhe "Prostitucioni";
- V. B., 54 vjeçe, D. L., 35 vjeç dhe R. S., 23 vjeç, të tre banues në Tiranë, për veprën penale "Prostitucioni".
