Lamtumirë Qemal Kërtusha! Mbahen homazhet për "bilbilin" e Durrësit
Nga Mark Brunga Përditësimi i fundit 10 Mars 2022, 15:05
Këngëtarit Qemal Kërtusha iu dha lamtumira e fundit në Durrës, qytetin të cilit i këndoi dhe ku u kthye në një figurë ikonike. Bashkëkohësit e vlerësuan mes këngëtarëve më të mirë burra.
Durrësi i dha lamtumirën e fundit Qemal Kërtushës, këngëtarit të mirënjohur dhe aq të dashur që u nda nga jeta në moshën 90 vjeçare në qytetin të cilit i këndoi dhe u kthye në ikonë.
"Qemali gjithë jetën ja kushtoi këngës dh vdiq me këngë."
Homazhet në nder të artistit që cilësohet ikonë e qytetit bregdetar u mbajtën në Teatrin Aleksandër Moisiu.
"Ka dhënë një kontribut të çmuar në fushën e artit."
Kolegë, miq, bashkëpunëtorë dhe drejtues vendorë e ligjvënës i dhanë aty lamtumirën e fundit.
Në mesin e viteve 60, Qemal Kërtusha arriti kulmin e suksesit ndërsa gjatë karrierës arriti mbi 1000 këngë të kënduara në skenë apo të regjistruara.
Qemal Kërtusha ka lindur më 27 tetor të vitit 1931 dhe mbante titujt “Artist i Merituar” dhe qytetar nderi i Durrësit.
