Ed Sheeran në gjyq për “Shape of You”
Nga Besmira Pelushaj Përditësimi i fundit 8 Mars 2022, 13:56
Ed Sheeran ka mohuar pretendimet e dy kompozitorëve për të drejtën e autorit të këngës “Shape of You”. Kantautori britanik tha në Gjykatën e Lartë të Londrës se nuk “huazon” ide nga kantautorë të panjohur.
Ai është në një përballje ligjore me dyshen, Sami Chokri dhe Ross O’Donoghue, të cilët pretendojnë se hiti i vitit 2017 ka shkëputur pjesë të këngës së tyre “Oh Ëhy”. Sipas avokatit të tyre, Sheeran huazon ide dhe i hedh ato në këngët e tij, ndonjëherë ai e pranon këtë, por ndonjëherë nuk dëshiron".
Por Sheeran mohoi pretendimin, duke vënë në dukje se ai shpesh ka ndarë meritat me artistë më pak të njohur, duke përfshirë Shivers dhe Visiting Hours, dhe një këngë që ka modeluar një "kompozitor të panjohur" nga Buffy The Vampire Slayer.
Dy kantautorët pretendojnë se “Shape Of You” cënon vijat dhe frazat e veçanta të përbërjes së tyre. Sheeran dhe bashkautorët e tij për këngën lëshuan procedime ligjore në maj të vitit 2018, duke kërkuar nga Gjykata e Lartë të deklaronte se ata nuk kishin shkelur të drejtat e autorit të z. Chokri dhe z. O’Donoghue.
“Shape Of You” ishte një hit mbarëbotëror, duke u bërë kënga më e shitur e vitit 2017 në Mbretërinë e Bashkuar dhe kënga më e transmetuar në historinë e Spotify.
Në maj 2018, Sheeran dhe avokatët e tij kërkuan nga Gjykata e Lartë të deklaronte se ai nuk kishtë shkelur të drejtat e autorit të Chokri dhe O'Donoghue.
Çifti më pas lëshoi një kundërpadi për shkelje të së drejtës së autorit. Gjyqi pritet të vazhdojë për rreth tre javë.
