Vrasja e familjes shqiptare, shtëpia e tyre pa energji, autori i krimit kishte zënka të vazhdueshme me ta
Nga Amado Çela Përditësimi i fundit 3 Mars 2022, 14:59
Policia greke ka identifikuar autorin e krimit makabër në Greqi i cili vrau 4 anëtarët e familjes shqiptare. Banorët thonë se autori i dyshuar kishte pasur zënka të vazhdueshme me familje Kloci.
Autoritetet helene kanë identifikuar autorin e krimit makabër që la të vdekur 4 anëtarët e familjes shqiptare në Adhravidha të Greqisë.
Sipas policisë lokale, autori i krimit është një banor i zonës i cili sipas rezidentëve kishte pasur konflikte të vazhdueshme me çiftin e bashkëshortëve Armando dhe Maria Kloci 30 dhe 35 vjeç.
Sipas banorëve të zonës, problemet mes çiftit të bashkëshortëve dhe vrasësin e dyshuarve të tyre ishin disa transaksione parash të vonuara.
Misterioz është fakti që shtëpia ku humbën jetën katër anëtarët e familjes shqiptare ishte pa energji elektrike.
Kujtojmë që rreth pasdites së të mërkurës çifti i bashkëshortëve dhe 2 fëmijët e tyre të mitur u gjetën të pajetë nga fëmija i tretë i familjes.
