Paketa për shpërblimin e fundvitit/ 5 mijë lekë për pensionistët, 3 mijë lekë për familjet në nevojë dhe personat me aftësi të kufizuara

Nga OraNews Përditësimi i fundit 15 Dhjetor 2021, 13:46

Paketa për shpërblimin e fundvitit/ 5 mijë lekë për

Familjet që marrin ndihmë ekonomike, personat me aftësi të kufizuara dhe pensionistët, janë kategoritë që do të përfitojnë këtë fundvit nga paketa e bonusit për festat e fundvitit.

Ministrja e Shëndetësisë dhe Mbrojtjes Sociale, Ogerta Manastirliu njoftoi se nga paketa e solidaritetit të fundvitit do të përfitojnë 3,000 lekë të gjithë familjet që përfitojnë nga skema e ndihmës ekonomike si dhe personat me aftësi të kufizuara.

Ndërsa pensionistët do të përfitojnë 5,000 lekë shpërblim.

Ministrja e Ekonomisë, Dalina  Ibrahimaj bëri me dije se  fondi total i alokuar për paketën e bonusit të fundvitit për 3 kategoritë është 40 miliardë dollarë.

Ogerta Manastirliu: Qeveria ka vendosur shpërblimin e fundvitit për familjet në ndihmë ekonomike dhe janë rreth 66 mijë familje të cilat përfitojnë ndihmë ekonomike, të cilat do të përfitojnë nga paketa e solidaritetit. Gjithashtu të gjithë ata përfitues të skemës së pagesave të aftësisë së kufizuar, janë rreth 72 mijë individë, të cilët do të përfitojnë shpërblimet e fundvitit”, bëri me dije Manastirliu.

Fondi që qeveria shqiptare do të vërë në dispozicion për shpërblimin e fundvitit për këto kategori është rreth 4 milionë dollarë, pa përfshirë këtu kategorinë e pensionistëve.

Delina Ibrahimaj: Sot miratuam projektvendimin për shpërblimet e fundvitit për të gjitha kategoritë e pensionistëve, janë gjithsej rreth 668 mijë pensionistë, të cilët përfitojnë nga paketa, e cila u miratua sot, të cilat arrijnë një vlerë 3.5 miliaradë lekësh për sa i përket pensionistëve dhe 400 milionë lekësh për sa i përket kategorive të tjera. Pra janë rreth 40 milionë dollarë të cilat alokohen për shpërblimet e fundvitit për pensionistët dhe për përfituesit e paketës ekonomike  edhe personave me aftësi të kufizuar.