Berisha e Basha përballen në Gjykatë, secili dorëzon në gjykatë statutet e reja të partisë
Nga OraNews Përditësimi i fundit 15 Dhjetor 2021, 12:51
Komisioni i Përkohshëm i Rithemelit të PD-së çoi sot në gjykatë ndryshimet statutore të miratuara në Kuvendin kombëtar të 11 dhjetorit të thirrur në “Air Albania”
Një nga ndryshimet kryesore që u miratuan në statutin e ri është dhe neni që kryetari i partisë lë mandatin menjëherë nëse humb zgjedhjet parlamentare dhe votëbesohet nëse humb zgjedhjet vendore.
Çështja është regjistruar dhe pritet të hidhet në short.
Ndërkohë dje u depozitua në Gjykatë kërkesa nga Partia Demokratike e Shqipërisë për pasqyrimin e ndryshimeve të statutit të partisë dhe të organeve të reja, të zgjedhura në Kuvendin Kombëtar të datës 17 korrik 2021.
Çështja është regjistruar dhe shortuar pranë kësaj gjykate dhe do ti nënshtrohet shqyrtimit gjyqësor në bazë të ligjit. Gjyqtare e çështjes është zonja Blerina Muça.
