Tjetërsimi i pronave në bregdet, 6 të arrestuar për falsifikim të AMTP-ve, 2 janë punonjës të bashkisë Himarë
Nga Edi Ruçi Përditësimi i fundit 10 Dhjetor 2021, 18:50
Vijon skandali i tjetërsimit të pronave në bregdetin e Vlorës. Në një aksion midis prokurorisë së Vlorës, policisë dhe gjykatës së shkallës së parë janë arrestuar 6 persona, një po hetohet në gjendje të lirë dhe tre janë shpallur në kërkim.Tjetërsimi i pronave prek edhe kadastrën e Vlorës si institucioni kryesor që merret me to.
Mes të arrestuarve janë punonjës të bashkisë Himarë dhe një avokat.
U ekzekutuan masat e sigurisë "Arrest në burg", për shtetasit:
-Vasillaq Strakosha, 67 vjeç, banues në Vlorë;
-Edmond Marko, 51 vjeç, banues në Himarë;
-Pandeli Prifti, 42 vjeç, banues në Himarë;
-Zaho Bollano, 58 vjeç, banues në Himarë;
-Aleks Bifsha, 64 vjeç, banues në Vlorë;
-Elton Marko, 41 vjeç, banues në Himarë, i cili ndodhet aktualisht në IEVP Vlorë, i arrestuar më parë, për një tjetër vepër penale.
-U ekzekutua masa e sigurisë “Detyrim përparaqitje në policinë gjyqësore” dhe “Ndalim dalje jashtë shtetit”, për shtetasin Irakli Gjiçali,68 vjeç, banues në Himarë.
Po kështu u bë shpallja në kërkim dhe punohet për kapjen e shtetasve:
M. S., 68 vjeç, banues në Himarë;
A. K., 64 vjeç, banues në Himarë;
K. DH., 68 vjeç, banues në Himarë.
Nga hetimet ka rezuluat se këta shtetas në periudha të ndryshme kohore, duke bashkëpunuar ndërmjet tyre, dyshohen se nëpërmjet falsifikimit të dokumentave, vulave, stampave e formularëve, kanë tjetërsuar dhe përfituar sipërfaqe të konsiderueshme toke, në bregdetin e Himarës dhe Dhërmiut, të cilën më pas e kanë kaluar në pronësi të tyre, ose shitur tek persona të tjerë, duke përfituar shuma të konsiderueshme të hollash.
Vijon puna për dokumentimin e plotë të ngjarjes, kapjen dhe vënien përpara përgjegjësisë ligjore të personave të tjerë të dyshuar si të implikuar në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
