“Vrasësit me pagesë” po heshtin, nuk tregojnë shënjestrën dhe porositësin e atentatit në Durrës
Nga OraNews Përditësimi i fundit 31 Gusht 2021, 19:31
Tre të arrestuarit në Durrës, të dyshuar si vrasës me pagesë po heshtin në polici duke mos treguar se kush ishte shënjestra e atentatit.
Aldi Mustafa, Uran Zyka dhe Tahir Gjinika, mësohet se kanë refuzuar të japin emrin e porositësit të ngjarjes kriminale që policia thotë se parandaloi duke I vënë në pranga.
Në këto kushte, hetuesit po presin informacione që mund t'i ndihmojnë në dy kompjuterat laptopë dhe 9 celularët që u sekuestruar gjatë operacionit Misioni.
Edhe pistoletat dhe mitralozi mësohet se po verifikohen në laboratorin e kriminalistikës.
Grupi hetimor pret të mësoje nëse ato janë përdorur në ngjarje kriminale, cka mund të ndihmojë edhe në zbardhjen e ngjarjeve të vjetra!
Hetimet ndërkohë vijojnë edhe për të zbuluar nëse ka persona të tjerë të përfshirë në veprimtarinë e dyshuar të vrasjeve me pagesë.
Aldi Mustafa, Uran Zyka dhe Tahir Gjinika, u arrestuan në lagjen 15 të Durrësit, ndërsa në makinën që ata udhëtonin u kap armët gati për përdorim.
