Iu shmang hetimit/ Kreut të IMT ju dërgua dy herë shkresë zyrtare, u fut në veprim kur hyri në lojë Prokuroria

Nga OraNews Përditësimi i fundit 19 Korrik 2021, 21:13

I ftuar në edicionin e lajmeve të Ora News, gazetari Elton Qyno, ka dhënë detaje për kreun e Inspektoratit të Mbrojtjes së Territorit në Bashkinë e Tiranës, Mariglen Qato, të cilin Prokuroria e Tiranës e akuzon se i është shmangur hetimit. 

Sipas Qynos, Qatos i është dërguar dy herë shkresë zyrtare, në lidhje me apartamentin shtesë që po bëhej, por megjithatë nuk ka pasur asnjë reagim.

Sipas gazetarit, Qato së bashku me Leonardo Lamani dhe Adrian Çaushaj, kanë nisur veprimet vetëm kur në lojë është futur edhe Prokuroria e Tiranës.

“Kam paralajmëruar se do të ketë arrestime të tjera, dhe pikërisht në Bashkinë e Tiranës, duke vijuar në atë gamën e ndalimeve që ka kryer Prokuroria e Posaçme e SPAK, e cila ka tentuar që të arrestojë tre zyrtarë të Inspektoriatit të  mbrojtjes së territorit në Bashkinë e Tiranës, por edhe një person  më konkretisht Klevis Bregun që ishte administrator i një pallati ku ishte ndërtuar apartamenti shtesë, dhe faktikisht, vrulli apo tentative e Prokurorisë së Tiranës, për të arrestuar këto 4 persona, është zbehur në Gjykatën e Tiranës, e cila ka vendosur të mos pranojë kërkesën arrest me burg për 4 individë, por të vendosë, detyrim paraqitje për tre zyrtarët e Bashkisë së Tiranës dhe arrest shtëpia për Klevis Bregun. Është një çështje që është hetuar për ndërtim pa leje dhe ka filluar të administroheshin letrat në dosje që prej fundit të qershorit të vitit 2020.


Janë dy momente, është moment i parë kur është njoftuar në datën 31 Korrik 2020, është njoftuar Inspektoriati i mbrojtjes së territorit, me shkresë zyrtare, jo personalisht Mariglen Qato, por institucioni.

Sërish policia më datë 3 gush 2020, ka shkuar në vendngjarje dhe kanë konstatuar se aty nuk bëhej fjalë për një meremetim çatie siç ishte raportuar, por në fakt ishte një situatë që kishte dalë jashtë çdo limiti, pasi në tarracat e pallatit po bëhej një apartament i ri. Sërish më 3 gusht është njoftuar IMT, por sërish nuk ka vepruar, në këto kushte policia sipas procedurës ia kanë dërguar materialet, Prokurorisë së Tiranës,  dhe sipas asaj që thuhet në dosje, Bashkia e Tiranës ka filluar të lëvizë rreth datës 10 gusht të vitit 2020, pasi dosja ka shkuar në Prokurori, por nuk ka vepruar në dy rastet e para. Në momentin që ka hyrë në lojë Prokuroria atëherë Mariglen Qato, Leonardo Lamani por edhe Adrian Çaushaj, të shkojë në terren dhe të marrë masë administrative nga subjektit."

Më tej shton se edhe pse Klevis Bregut, pronarit të apartamentit që po ndërtohej mbi pallatin 5 katësh, i ëhstë vendosur gjobë dhe është urdhëruar që punimet të prishen, ndërtesa është ende.

"Klevis Bregu, vëllait dhe babit të tyre duke e gjobitur 3 milionë lekë të vjetra, duke pezulluar punimet dhe duke marrë një vendim të këtij objekti Sot e kësaj ditë, pavarësisht se të gjithë këto dokumente janë përpiluar duke filluar nga prishja e objektit e deri të gjoba, faktikisht apartamentin e kemi në këmbë, dhe zotërinjtë besojë se vijojnë të jetojnë brenda apartamentit, të bërë pa leje. E gjithë kjo kronologji është përpiluar edhe nga prokuroria e Tiranës,e  cila ka paraqitur në Gjykatë, kërkesën për dhënien e masës së sigurisë arrest me burg për këta zyrtarë.

Prokuroria ka bërë ecurinë e saj të hetimit, duke filluar qysh prej fundit të qershorit 2020 e deri ditët e sotme Prokuroria ka mbajtur atë anën objektive për ta hetuar këtë çështje deri në fund. Është tentuar t’I shkojë deri në fund, por nuk është lejuar nga ana e Gjykatësit, ka marrë masat e kërkuara nga Prokuroria, pavarësisht se sot është bërë një apelim nga ana e Gjykatës së Apelit të Tiranës, ku kërkohet të lihen në fuqi masat e arrestit me burg, dhe jo masat e detyrimi të paraqitjes. Është kërkuar që të merret në pyetje Mariglen Qato, por personi në fjalë nuk ka pranuar që të paraqitet në Prokurori që të japë deklaratën, jo vetëm si person që ka dijeni, por si një person që është vënë në dijeni se është person nën hetim. Prokuroria ka konstatuar se në datat kur Prokuroria e kërkonte këtë zotëri që kishte paraqitur raporte mjekësore, ky ishte në zyrën e tij, në punën e tij.

Inspektoriati nuk ka mundësi që të kontrollojë të gjithë territorin, për shkak të numrit të punonjësve. Për çdo ndërtim pa leje ndërtohet dy dosje, një dosje administrative që e ndërton IMT, pranë bashkive vendore dhe një dosje tjetër që është dosja penale që e ndërton policia e shtetit ku ja çon prokurorinë, dhe të dyja këto shkojnë në prokuroria, e cila bënë vlerësimin në lidhje me çështjen në fjalë. Nuk është rasti i parë si ky sot."

Intervistoi Matilda Mcini, përgatiti për online Anila Kolgjini.