Shorti i Botërorit për femra, Shqipëria për herë të parë në vazon e 4-t

Nga OraNews Përditësimi i fundit 28 Prill 2021, 14:06

Për herë të parë në histori, kombëtarja shqiptare e femrave është ngjitur në vazon e katërt, sipas klasifikimit të fundit të UEFA-s, ku renditet në vendin e 33-të.

Kjo do të thotë që paraqitjet e mira të vajzave kuqezi janë shpërblyer me ngjitjen në vazo mes ekipeve të Europës dhe ku me pak fat pritet një short i lehtë për eliminatoret e zonës së Europës për Kupën e Botës të vitit 2023.

Shorti i eliminatoretve do të zhvillohet ditën e premte, më 30 prill, në ora 13:30 në Nion të Zvicrës dhe Shqipëria e femrave ndodhet në të njëjtën vazo ku janë edhe Sllovakia, Maqedonia e Veriut, Islanda, Greqia, Hungaria, Bjellorusia, Kroacia dhe Azerbajxhani.

Janë gjithësej 51 përfaqësuese femrash që do të ndahen në nëntë grupe ku gjashtë grupe do të përbëhen nga gjashtë skuadra dhe tre grupe nga pesë skuadra.

Skuadrat e mundshme me të cilat mund të përballet Shqipëria janë:

 

Vazo 1: Holandë, Gjermani, Angli, Francë, Suedi, Spanjë, Norvegji, Itali, Spanjë

 

Vazo 2: Belgjikë, Zvicër, Austri, Skoci, Islandë, Rusi, Finlandë, Portugali, Uells

 

Vazo 3: Republikë Çeke, Ukrainë, Irlandë, Poloni, Slloveni, Rumani, Serbi, Bosnje-Hercegovinë, Irlandë e Veriut

 

Vazo 5: Turqi, Maltë, Kosovë, Kazakistan, Moldavi, Qipro, Ishujt Faroe, Gjeorgji, Letoni

 

Vazo 6: Mal i Zi, Letoni, Estoni, Luksemburg, Armeni, Bullgari