Selimi-Lesit: Më shumë kushte gjatë sezonit turistik
Nga OraNews Përditësimi i fundit 17 Maj 2013, 14:57
Ambasadori i i Kosovës në Shqipëri i bën thirrje qeverisë që pushuesve ti ofrohen më tepër kushte gjatë sezonit turistik.Në një konferencë kreu i diplomacisë kosovare Sylejman Selimi kërkoi më tepër pastërti dhe më shumë ekipe mjekësore në dispozicion të turistëve kosovarë.Zv.ministri i turizmit Nikoll Lesi premtoi se do të merren masa që të plotësohen të gjtiha kushtet pavarësisht se tashmë është ndezur fushata elektorale.Më herët, Policia e Shtetit dhe Policia e Kosovës, nënshkruan memorandumin e bashkëpunimit, në funksion të organizimit të shërbimeve të përbashkëta të policisë rrugore në kuadër të sezonit turistik 2013.Memorandumi i Bashkëpunimit u nënshkrua nga Drejtori i Përgjithshëm i Policisë së Shtetit Hysni Burgaj dhe Drejtori i Përgjithshëm i Shërbimit Policor të Kosovës, Shpend Maxhuni.
