Atletiko Mineiro, favorit për të fituar Kupën Libertadores
Nga OraNews Përditësimi i fundit 3 Maj 2013, 10:38
Atletiko Mineiro është kthyer në një favorite kryesore për të fituar Kupën Libertadores, pasi ka bërë një hap shumë të rëndësishëm drejt çerekfinaleve të turneut. Meritë e këtij suksesi për klubin brazilian që nuk ka triumfuar asnjëherë në arenën ndërkombëtare, vjen pjesërisht nga paraqitjet e Ronaldinjos, i cili po shkëlqen me skuadrën e tij dhe ka qenë protagonist në suksesin e rëndësishëm 2-1 në fushën e Sao Paulo për të bërë një hap tjetër drejt çerekfinaleve.Xhadson kaloi në avantazh vendasit në fillimin e ndeshjes por Ronaldinjo shënoi golin e barazimit para pushimit të takimit, ndërsa Tardelli shënoi golin e fitores në minutën e 60-të.Në këtë edicion, duket se rivalët kryesorë për trofeun më të rëndësishëm për klube në Amerikën Latine do të jenë përveç Atletiko Mineiro edhe dy skuadrat e tjera braziliane, Palmeiras e Gremio, ashtu si edhe argjentinasit e Boka Juniors të cilët janë shumë pranë eliminimit të fituesve në fuqi të Korinthians, pasi i mundën 1-0 në ndeshjen e parë në fushën e tyre.Kupa LibertadoresVelez Sarsfild-Njuells Old Bois 1-0Real Garcilaso-Nacional 1-0Tigre-Olimpia 2-1Tihuana-Palmeiras 0-0Santa Fe-Gremio 1-2Korinthians-Boka Juniors 0-1Sao Paulo-Atletiko Mineiro 1-2Fluminense-Emelek 1-2
