KQZ, më 13 prill zhvillohet votimi testues për Fierin
Nga OraNews Përditësimi i fundit 2 Prill 2013, 09:00
Me 13 prill do të zhvillohet një proces votimi testues për numërimin elekronik në qarkun e Fierit.Me propozimin e sjellë nga administrata e Komisionit Qëndror të Zgjedhjeve parashikohet që në këtë proces të përfshihen 6000 fletë votimi testuese sipas formatit të miratuar nga KQZ-ja për votimin në qarkun e Fierit.Në fletët e votimit përfshihen maksimumi 42 subjekte politike në zgjedhje, por jo me emra konkretë të partive politike në Shqipëri.Ndërkaq Komisioni Qëndror i Zgjedhjeve ka marë në shqyrtim të gjitha qendrat e votimit në ndërtesa private, në të gjitha qarqet e vendit. Ky proces është shoqëruar me diskutime mes palëve në KQZ ndërsa është theksuar domosdosshmëria e zbatimit të kodit të ri zgjedhor për këtë çështje.Gjatë procesit zgjedhor të 23 qershorit qytetarët shqiptarë pritet të drejtohen për të votuar së paku në 5500 qendra votimi.
