Vazhdon drama e emigrantëve, 12 anije të sinjalizuara në brigjet e Lampeduzës
Nga OraNews Përditësimi i fundit 15 Shkurt 2015, 18:22
12 anije me emigrantë janë sinjalizuar në jug të brigjeve të Lampeduzas të dielën, në një valë të re përpjekjesh për të mbërritur në brigjet italiane. Menjëherë janë nisur anijet e rojes bregdetare, Gruardia di Finanza dhe marina ushtarake, për të shmangur një tjetër tragjedi, si ajo e të premtes, kur 300 vetë humbën jetën në përpjekje për të prekur brigjet e Europës.Ndërkohë, rreth 280 emigrantë të tjerë mbërritën në portin siçilian të Pocalos të dielën në mëngjes. Ata ishin pjesë e rreth 700 të shpëtuarve nga një anije e rojes bregdetare italiane dhe dy anijeve tregtare pranë brigjeve të Libisë të premten.Disa prej emigrantëve kishin nevojë urgjente për ndihmë mjeksore ndërsa njëri prej tyre ishte i plagosur me armë dhe u mor në pyetje nga policia.Roja bregdetare italiane nisi që të premten misionin e shpëtimit pasi mori njoftime përmes satelitit se disa anije të mbingarkuara me emigrantë ishin nisur nga Libia për të mbërritur në Siçili.Kohët e fundit, me përmirësimin e motit, anijet me emigrantë nga Lindja e Mesme dhe Afrika kanë rifilluar udhëtimet nga brigjet e Afrikës veriore, sidomos nga Libia, për të mbërritur në Europë. Kjo falë edhe mbylljes së programit të shtrenjtë italian të kërkim-shpëtimit, Mare Nostrum, dhe zëvendësimin e tij me misionin Triton, të kontrollit të kufijve të sponsorizuar nga Bashkimi Europian. Por ndryshe nga pararendësi, misioni Triton nuk ka fondet dhe mandatin për të dalë nga kufijtë e BE-së.UNHCR vlerëson se rreth 218 000 emigrantë kanë mbërritur vitin e kaluar në Europë përmes Mesdheut vitin e kaluar, ndërsa 3500 kanë humbur jetën.
