Facebook konflikton adoleshentët, 13 vjeçarja plagos me thikë maturanten
Nga OraNews Përditësimi i fundit 24 Tetor 2012, 12:03
Facebook konflikton rëndë sërish adoleshentët, por kësaj radhe si rralë ndonjëherë protagoniste kanë qenë dy vajza. Sipas policisë në rrugicën që lidh shkollën 9 Vjeçare “7 Marsi” me gjimnazin “Abaz Shehu” në qytetin e Tepelenës , një nxënëse me iniciale A.L, 13 vjeçe, në klasën e 8-të të shkollës "7 Marsi" , pas një konflikti për motive të dobëta , sharje dhe ofendime në facebook, ka goditur me një mjet prërës bixhak , në pjesën e barkut një nxënëse të gjimnazit Abaz Shehu në vitin e tretë, konkretisht maturanten Anxhela Rreçka, duke e lënë të plagosur.Nxënësja e plagosur është transportuar menjëherë në Spitalin e Tepelenës ku ka marrë ndihmën e parë dhe më pas është transportuar për në Spitalin Rajonal Gjirokastër për një ndërhyrje kirurgjikale më të specializuar, nga ku bluzat e bardha bëjnë me dije se është jashtë rrezikut për jetën.Nxënësja e shkollës "7 Marsi" , A.L, është shoqëruar në Komisariatin e Policisë Tepelenë sëbashku me gjyshen e saj, pasi prindërit i janë divorcuar dhe kjo jeton me gjyshen.Gjatë marrjes në pyetje nxënësen A.L, është thirrur edhe një psikologe dhe mësuesi kujdesar i saj, ku A.L ka shpjeguar rrethanat e ngjarjes. Paraprakisht mësohet se shkaku i sherrit ku më pas degjeneroi në plagosje më thikë ,janë sharjet dhe ofendimet që i kanë bërë njëra - tjetrës në facebook për motive të dobëta , pasi kanë qenë shoqe në fb.Ndërkaq për arsye të moshës së mitur, ndaj kësaj shtetaseje nuk filloi procedimi penal .Materialet i kaluan Prokurorisë së Rrethit Gjyqësor Gjirokastër për veprime të mëtejshme.
