"Bundesliga", të mëdhatë bëjnë detyrën por Bavarezët janë shumë larg
Nga OraNews Përditësimi i fundit 18 Shkurt 2013, 12:18
Bundesliga Gjermane pas një tjetër fitore të rëndësishme të Bayern Mynih të Premten ndaj Volfsburg, ka vazhduar me emocione të shumta edhe të Shtunën dhe të Dielën. Fitores 2-0 të bavarezve, të cilët janë një hap larg titullit kampion, u janë përgjigjur me fitore edhe ndjekësit më të afërt. Kampionet në fuqi të Gjermanisë, Borusia Dortmund, ka mundur këtë fundjavë skuadrën e Eintraktit të Frankfurtit me rezultatin e pastër 3-0. Marko Rois, ka qenë padyshim protagonisti kyesor i këtij takimi, duke shënuar një tripletë personale. Edhe pse Verdhezinjtë kanë qëndruar me 10 lojtarë që nga minuta e 31, miqtë nga Frankfurti nuk e kanë shfrytëzuar siç duhet rastin për të vënë në vështirësi skuadrën e Jurgen Klop, e cila vazhdon të mbajë ritmet e Bayern por me një diferencë të madhe pikësh. Një fitore të rëndësishme në këtë fundjavë, ka arritur edhe skuadra e Leverkusen e cila ka mundur me rezultatin 2-1 skuadrën e Augsburg, duke vazhduar rivalitetin me Dortmund për vendin e dytë në renditje, pasi vendi i parë është prenotuar tashmë nga Bavarezët që kryesojnë me 15 pikë diferencë. Në ndeshjet e tjera të kësaj fundjave në Bundesligën Gjermane, janë shënuar këto rezultate:Volfsburg - Bajern Mynih 0-2Bajer Leverkusen - Augsburg 2-1Fortuna Dysseldorf - Greuthert Furth 1-0Hamburg - Mynshengladbah 1-0Mainz - Schalke 04 2-2Verder Bremen - Freiburg 2-3Borusia Dortmund - Eeintrakt Frankfurt 3-0Nurnberg - Hannover 2-2Hoffenheim - Stuttgart 0-1
