Bien blerjet në tregje, qytetarët ankohen për çmime të larta
Nga OraNews Përditësimi i fundit 3 Shkurt 2013, 16:22
Muaji Janar është mbyllur me një rënie të ndjeshme të blerjeve në tregje.Ajo që vihet re është se janë rritur çmimet e zarzavateve të stinës dhe për këtë shkak ka rënë fuqia blerëse. Megjithatë sipas tregtarëve, në tregun e fruta perimeve, nuk janë vetëm qytetarët që i kanë xhepat e shpuar, por edhe tregtarët e pikave të pakicës.Të gjithë vijnë vërdallë nëpër treg për të kërkuar ku është çmimi më i lirë, pasi nuk kanë mundësi. Megjithatë sipas qytetarëve, në tregun e fruta perimeve, çmimet janë rritur dhe produktet i blejmë nga pak.Nga ajo çka vihet re nëpër tregje dhe ajo çka tregojnë vetë shitësit me pakicë, fuqia blerëse e qytetarëve ka rënë ndjeshëm dhe nuk ka më blerje si një vit më parë.
