Shpërthejnë përleshjet në Hong Kong, grupet anti-protestuese shembin barrikadat
Nga OraNews Përditësimi i fundit 13 Tetor 2014, 10:44
Kinë - Qindra persona të paidentifikuar, disa prej tyre me maska, u përpoqën të thyejnë barrierat e protestës, në zemër të Hong Kongut, duke u konfrontuar me protestuesit, të cilët kanë pushtuar rrugët për dy javë me radhë. Dëshmitarët okularë dhe policia gjithashtu konfirmuan se personat e maskuar sulmuan një të moshuar, duke i përshkruar ata si gangsterë.
Dëshmitarët thonë se sulmuesit u përpoqën t’iu marrin fotot protestuesve, pasi dyshojnë se në aparatet e tyre ka skena kompromntuese. Një nga protestuesit thotë se i moshuari u godit shumë rëndë në kokë. Ndërkohë policia ka nisur kontrollin e kartave të identitteti dhe gjithashtu kontollin fizik, ndaj disa personave që ishin mbledhur në shesh.Sot policia ka nisur heqjen e barrikadave, duke u përpjekur të largojë protestuesit nga rrugët e qytetit. Oficerët e rendit thanë se qëllimi i këtij veprimi ishte lehtësimi i trafikut dhe zhvillimi i aktivitetit normal të punës dhe administratës.Shumë protestues mbajnë maska dhe syze për t’u mbrojtur nga përdorimi i mundshëm i gazit lotsjellës nga ana e policisë. Shoferët e taksive dhe përfaqësues të biznesit, të cilëve iu është prekur seriozisht puna nga demonstrata, kanë dhënë afat deri të mërkurën në mbrëmje për heqjen e të gjitha barrikadave, por nuk kanë thënë se si do të reagojnë nëse kjo nuk ndodh. Protestuesit në Honk Kong kërkojnë zgjedhjje të lira në 2017.
