SHBA, shqiptari dënohet me 15 vjet burg, mbështeste terrorizmin
Nga OraNews Përditësimi i fundit 9 Janar 2013, 08:45
Një shqiptar është dënuar me 15 vjet burg në Nju Jork të Shteteve të Bashkuara të Amerikës pasi akuzohet për mbështetje të një grupi terrorist islamik.Lajmi bëhet i ditur nga mediat amerikane të cilat theksojnë se 28-vjeçari Agron Hasbajrami u dënua me 15 vjet burg nga një gjykatë federale amerikane në Brooklyn të Nju Jorkut.Prokurorët deklaruan se 28-vjeçari shqiptar kishte komunikuar me një ekstremist nga Pakistani më 28 gusht 2011, grupi i të cilit ishte përfshirë në sulmet e ushtarëve amerikanë në Afganistan. Sipas prokurorëve amerikanë, Hasbajrami i kishte dërguar ekstremistit pakistanez një shumë financiare prej 1 mijë dollarësh dhe i kishte kërkuar të bashkohej me grupin e tij.Ndërkohë Agron Hasbajrami u arrestua në vitin 2011 në aeroportin Kenedi të Nju Jorkut, në tentativë për tu larguar në drejtim të Pakistanit për tu bashkuar me xhihadistët.
