Tension në Shkup, opozita kundër buxhetit
Nga OraNews Përditësimi i fundit 24 Dhjetor 2012, 11:42
Forca të shumta policore janë vendosur para ndërtesës së Kuvendit të Maqedonisë për të penguar një përplasje të mundshme fizike mes simpatizantëve të opozitës dhe pushtetit, pas protestave të ditës së dielë të deputetëve të opozitës së bashkuar që nga qeveria maqedoase është cilësuar si një grusht-shteti.Deputetët opozitarë, disa brenda e disa jashtë ndërtesës së Kuvendit të mbështetur edhe nga simpatizantët e tyre, kanë kaluar natën në pritje të ditës së sotme, e cila sipas tyre, mund të shpërthejë në konflikt nëse qeveria nuk heq dorë nga futja në procedurë parlamentare të propozim-buxhetit për vitin 2013.Opozita kundërshton miratimin e buxhetit për shkak të refuzimit të kërkesës së saj për shkurtimin e mbi 200 milionë eurove që beson se qeveria do t'i destinojë për harxhime promovuese dhe projekte jofitimprurëse.Nga 1.200 amendamente sa kishte propozuar qeveria jashtë procedurës parlamentare, ka miratuar vetëm disa prej tyre, ndërsa në seancën e mbrëmshme ka hartuar version të ri të buxhetit që ishte edhe shkas për bllokimin e Kuvendit nga opozita.Lideri i LSDM-së, ish presidenti i shtetit, Branko Cërvenkovski ka thënë se është i gatshëm për gjithçka."Sikur edhe meteorë të bien do të durojmë. Nuk largohemi nga këtu. Gruevski dëshiron të vrasë demokracisë, por këtë nuk do të lejojmë. Duan lufte? Do ta kenë! Nuk largohemi nga këtu. VMRO-DPMNE dhe BDI po luajnë me lojën e patriotëve të rrejshëm, po nxisin konfrontime dhe tensione, ndërsa vëllazërisht po ndajnë tenderët dhe provizionet".Nga ana tjetër kryeministri maqedonas Nikolla Gruevski, paraprakisht i bëri thirrje opozitës që të heqë dorë nga bllokadat dhe të lejojë miratimin e buxhetit pasi në të kundërtën, sipas tij, do të pësojnë qytetarët e Maqedonisë. Gruevski ka thënë se Cërvenkovski nxit tensione për të mbijetuar politikisht.
