Pakistani njeh pavarësinë e Kosovës?
Nga OraNews Përditësimi i fundit 21 Dhjetor 2012, 17:40
Burime diplomatike kanë konfirmuar për një nga mediat kosovare se Republika Islamike e Pakistanit ka marrë vendim që ta njohë pavarësinë e Republikës së Kosovës, të shpallur në shkurt të vitit 2008. Konfirmimi për këtë njohje pritet që në adresë të Qeverisë së Kosovës të bëhet brenda pak ditësh.Shteti aziatik me një popullsi 157 milionë banorësh vlerësohet të jetë njohje e rëndësishme për shkak të rolit që ka ky shtet në organizatën islamike dhe tek një varg shtetesh të tjera, që ende nuk e kanë marrë vendimin për njohjen e Kosovës.Vendimin e Pakistanit për ta njohur pavarësinë e Kosovës, gazeta e ka marrë vesh edhe nga postimet e disa gazetarëve të këtij shteti në rrjetet sociale.
