Nishani-gjyqtarëve: Merrni përgjegjësitë shoqërore
Nga OraNews Përditësimi i fundit 13 Dhjetor 2012, 10:52
Presidenti i vendit dhe njëkohësisht edhe kreu i Këshillit të Lartë të Drejtësisë Bujar Nishani ka kërkuar nga gjyqtarët të marrin përgjegjësitë jo vetëm profesionale por edhe ato shoqërore.Duke folur në konferencën gjyqësore, kreu i shtetit theksoi se sistemi i drejtësisë nuk është i sëmurë por as edhe i shëndetshëm."Nuk mendoj dhe nuk besoj që ne do ta bëjmë sistemin e drejtësisë më të shëndetshëm dhe do ta konsolidojmë atë me aktorë të jashtëm. Faktori kryesor jetësor dhe i pazëvendësuseshëm për një shëndet e plotë të sistemit të drejtësisë është komuniteti i gjyqtarëve dhe prokurorëve për sistemin e tyre. Padyshim aktorët e tjerë kanë një rol të rëndësishëm por ajo që t`ju kërkoja unë sot është fakti që të merni përsipër të gjitha përgjegjësitë jo vetëm profesionale të cilat janë shumë të rëndësishme por edhe përgjegjësitë shoqërore që ju takojnë, kësaj pjese të rëndësishme të elitës sonë” tha NishaniNishani ka theksuar se e ka prioritet të punës së tij komunikimin dhe bashkëpunimin me gjyqtarët, për të orientuar angazhimin e institucioneve që të kenë mundësi të influencojnë për të përsosur sistemin e drejtësisë.
"Mbledhja e konferencës gjyqësore jo vetëm për çështjen që ka në rendin e ditës por për mundësinë që i jepet aktorëve të ndryshëm por edhe vetë gjyqtarëve për të bërë disa analiza por edhe për të përcaktuar edhe disa objektiva në fuksion të këtij pushteti i cili është bërë pjesë e rëndësishme e funksionimit të një shoqërie demokratike. Për mua si president i vendit është një prioritet i veçantë komunikimi me komunitetin e gjyqtarëve, komunikimi me të gjitha forcat e ndryshme por edhe bashkëpunimi për të mbajtur angazhimin dhe vëmendjen e institucioneve për ta përsosur edhe më tej sistemin gjyqësor" tha Nishani.
Kreu i shtetit ka vlerësuar aspektin legjislativ si mjaft pozitiv dhe të një standarti të lartë duke hedhur poshtë idenë e gabuar sipas tij se drejtësia është në raport me politikën.
