Ministri Bushati në Bruksel, takohet me Sekretarin amerikan të Shtetit, John Kerry
Nga OraNews Përditësimi i fundit 1 Prill 2014, 19:28
Në kuandër të pjesmarrjes në takimin e Ministrave të Jashtëm në Bruksel, Ministri i Jashtëm, Ditmir Bushati ka zhvilluar një takim me Sekretarin amerikan të Shtetit, John Kerry. Këtë moment takimi, Bushati e ka fiksuar në foto, të cilën e ka publikuar në faqen e tij zyrtare në fb.Bushati, në vijim të takimeve të ditës së sotme në Bruksel me Ministrat e Jashtëm të vendeve anëtare të Aleancës trajtuan një gamë të gjerë tematikash, që prekin marrëdhëniet aktuale të NATO-s me Ukrainën dhe me Rusinë.Në fjalën e tij, gjatë takimit të Këshillit të Atlantikut të Veriut, Ministri Bushati ka thënë se, “shprehim mbështetjen e Shqipërisë për sovranitetin dhe integritetin territorial të Ukrainës, dënoi mbajtjen e referendumit në Krime, si dhe hodhi poshtë çdo analogji mes Krimesë dhe Kosovës”.Po sonte, pritet të zhillohet dhe një darkë pune e Ministrave të Punëve të Jashtme të vendeve anëtare të NATO-s, ku do të diskutohen pasojat e zhvillimeve në Ukrainë për bashkësinë ndërkombëtare dhe vetë Aleancën, njofton Ministria e Jashtme.
