Wollfarth: Aktorët politikë t`i qasen frymës së bashkimit
Nga OraNews Përditësimi i fundit 27 Nëntor 2012, 13:20
Kreu i Prezencës së OSBE-së në Shqipëri, ambasadori Eugen Wollfarth ka uruar sot të gjithë shqiptarët me rastin e 100-vjetorit të Pavarësisë së Shqipërisë.Në një deklaratë për shtyp, ambasadori Wollfarth i ka bërë thirrje politikës shqiptare që të bashkëpunojnë për të çuar përpara axhendën e integrimit."U dërgoj urimet më të mira të gjithë shqiptarëve, që festojnë këtë përvjetor të rëndësishëm të pavarësisë së tyre. Prezenca e OSBE-së në Shqipëri është krenare që e ka mbështetur vendin në ndërtimin e një jete më demokratike e të begatë për qytetarët e tij, gjatë 15 viteve të fundit. I nxis të gjithë aktorët në vend t'i qasen frymës së bashkimit, që nevojitet për të çuar përpara axhendën e reformave, me qëllim realizimin e synimeve kombëtare të Shqipërisë për integrim evropian" tha Wollfarth.
