PD: Edi Rama mashtroi me skenarin grek
Nga OraNews Përditësimi i fundit 6 Nëntor 2013, 14:08
Partia Demokratike ka akuzuar kryeministrin Edi Rama se po mashtron për financat publike.Koordinatorja për mediat, Silvi Bardhi theksoi se Rama ka gënjyer kur ka deklaruar se gjendja e financave publike është e rëndë dhe rreziku i rënies në skenarin grek është real.Deklarata e PD-sëMë 31 tetor, në relacionin që i ka dërguar parlamentit Edi Rama thotë se gjendja e financave publike është e rëndë dhe rreziku i rënies në skenarin grek është real.5 ditë më pas, me 4 nëntor, në mbledhjen me deputetët e tij Edi Rama thotë se financat janë përmirësuar dhe rreziku i skenarit grek është shmangur.Kjo nuk është një paqëndrueshmëri emocionale e Kryeministrit që do të meritonte analizën e psikologëve. Është më e rëndë, është mashtrim i hapur.Në relacionin e projektligjit për dorëzimin e doganave tek “Croën Agents”, Edi Rama thotë se rreziku i skenarit grek është real, sepse i duhet të justifikojë këtë prokurim të drejtpërdrejtë, të kushtueshëm dhe jo transparent. Kurse para të tijve i duhet të justifikojë emërimet e drejtoreshave, dhe t’u thotë se falë punës së tyre të paepur vendi e kaloi lumin, dhe e la pas skenarin grek.Në fakt, ekonomia shqiptare i rezistoi krizës globale dhe rajonale, nuk ra në stanjacion dhe ruajti rritje, siç cilësojnë edhe raportet e BE dhe FMN, falë politikave të drejta të qeverisjes demokrate. I vetmi rrezik për ekonominë tonë, për mirëqenien dhe për demokracinë është Edi Rama”.
