Naço: Të reformojmë KLD; Sequi: Sistemi i drejtësisë të jetë efikas

Së shpejti korrupsioni do të cilësohet si një nga veprat më të rënda penale dhe dhe do të gjykohet në Gjykatën e Krimeve të Rënda.Kështu është shprehur Ministri i Drejtësisë, Nasip Naço, pas takimit me ambasadorin e BE-së në Tiranë Ettore Sequi duke theksuar se paketa anti-korrupsion do të paraqitet së shpejti.Sipas Naços, kjo paketë është në kuadër të reformave që do të ndërmerren në kuadër të luftës kundër korrupsionit.  Ai gjithashtu kërkoi bashkëpunimin e qytetarëve për denoncimin e rasteve të korrupsionit.“E njoha ambasadorin me reformat që do të ndërmerren nga ministria e drejtësisë. Së shpejti do të paraqesim një paketë anti-korrupsion, për ta konsideruar korrupsionin një nga veprat më të rënda të veprave penale e cila do të gjykohet nga gjykata e krimeve të rënda.  Kjo paketë do të vazhdojë me ndryshimin e ligjit për parandalimin dhe goditjen e krimit të organizuar. Nxis qytetarët të denoncojnë rastet e korrupsionit dhe për këtë kemi edhe një portal në faqen zyrtare të ministrisë. Shqipëria është e të gjithëve dhe ka nevojë për kontributin e të gjithëve” u shpreh Naço.Ndër të tjera ai u ndal edhe në reformën në të gjitha hallkat e gjyqësorit, duke thënë se nuk do të bëhet me deklarata para mediave, por me një staf të kualifikuar.

 Nga ana e tij Ambasadori i BE ne vendin tone, Ettore Seqiu, ka rikthesuar se lufta kunder korrupsionit mbetet per BE nje nga prioritetet kryesore.

"Lufta kundër korrupsionit  janë mjetet e duhura që Shqipëria të ecë në rrugën drejt BE.Unë theksova mbështetjen e BE-së për rrugën e integrimit të Shqipërisë në BE dhe që ka të bëjë kryesisht me shtetin e të drejtës, por në veçanti në shtetin e drejtësisë", u shpreh Sequi.

Ambasadori njoftoi edhe paketë projektesh me vlerë disa milionë euro që BE ka në plan të zbatojë në Shqipëri, sa i takon fushës së drejtësisë.