PDIU:Ergys Kaçe shembull për rininë, për sportistët shqiptarë të talentuar
Nga OraNews Përditësimi i fundit 15 Shtator 2013, 10:24
PDIU ka reaguar sot në lidhje me publikimin në media për ngritjen e një fushate presioni, denigrimi në shoqërinë e vendit fqinjë, prej aktorësh të ndryshëm politikë dhe socialë ndaj futbollistit të kombëtares shqiptare të futbollit, Ergys Kaçe.Në një deklaratë për shtyp, PDIU-ja thekson se kjo fushatë është dëshmi e prapambetjes së madhe të shoqërisë së vendit fqinjë, shoqëri e cila ka mbetur peng e aleancave të vjetra.“Sipas mentalitetit dominues mbështetës të këtyre aleancave, dikush që vishet me simbolet e Ushtrisë çlirimtare të Kosovës, aleatit kryesor të NATO-s, në luftën kundër Serbisë së Milosheviçit, cënoka ndjeshmërinë e popullit grek, ndërkohë që Greqia është vetë anëtare e NATO-s. UÇK-ja nuk ka sulmuar dhe nuk ka kryer ndonjë akt dhune ndaj Greqisë, që të mund ta kuptonim këtë egërsi ndaj lojtarit të madh Ergys Kaçe”. Ne s’do të shqetësoheshim nga kjo shfaqje paradoksale e paradoksit që vetë shkrimtarë grekë e kanë quajtur Greqinë, “gruaja e perëndimit dhe dashnorja e Lindjes”. Problemi më i madh është se ky rast mund të shfrytëzohet për të krijuar fushata dhune kundër emigrantëve tanë që jetojnë dhe punojnë ndershmërisht në vendin fqinjë, nëpërmjet skuadroneve fashiste të Agimit të Artë. Ergys Kaçe, mbase nuk ka qenë i vetëdijshëm për pasojat e veshjes së një bluze me simbolet e UÇK-së, por ama ai vetë është shndërruar në simbol të thirrjes së gjakut të të parëve, për respektin ndaj ndjenjës kombëtare” thekson PDIU-ja.Sipas kësaj force politike, Ergys Kaçe është shembulli për t’u ndjekur nga të rinj bashkëkombasit tanë në Greqi, nga sportistë të talentuar dhe për këtë ai meriton gjithë nderimin dhe mirënjohjen e të gjithëve.“Europa është e madhe dhe ka vend për talentin e tij, nëse Greqia do ta largonte duke dëgjuar zërat e sirenave që duan ta mbajnë prapa, që duan ta mbajnë gjithmonë në Lindje” përfundon deklarata e PDIU-së.
