Fushë Krujë, krim në familje, burri vret me çifte bashkëshorten
Nga OraNews Përditësimi i fundit 14 Shtator 2013, 11:38
Krimi brenda familjes ngre përsëri krye, edhe pse fundjavë. Bashkëshorti ka vrarë guran më armë zjarri, pas një konflikti banal të lindur mes tyre. Ngjarja e rëndë është regjistruar në Fushë Krujë, në fshatin Derven, ku Gjin Menga 52 vjeç, pas një zënke me bashkëshorten e tij Liliana Menga 45 vjeç, nënë e 4 fëmijëve, ka marrë armën e zjarrit tip çifte dhe ka qëlluar në drejtim të saj.Të dhenat e para thonë që fillimisht Gjon Menga e ka qëlluar bashkëshorten me çifte në kokë e më pas me kallashnikov, duke shkaktuar vdekjen e saj të menjëhershme. Nga të shtënat 45- vjeçarja ka humbur jetën menjëherë, kurse pasi ka kryer krimin 52-vjeçari Menga, autori i ngjarjes është vetëdorëzuar në polici, s bashku me armën që i mori jetën bashkëshortes.Menjëherë në vendin e ngjarjes kanë shkuar forca të shumta policie, të cilat kanë kqyrur vendin e ngjarjes, ndërsa nisën punën për të zbardhur të plotë ngjarjen. Informacionet paraprake flasin për një konflikt banal në familje i cili shkoi deri në gjakderdhje, ndërkohë që tashmë familja ka hapur dyert e mortit, për të përcjellë në banesën e fundit 45-vjeçaren Liliana Menga.Krimi në familje ka njohur rritje kohët e fundit, ku pre e dorës gjakatare janë më së shumti gratë dhe vajzat. Edhe pse kodi penal është përforcuar për këdo që kryen krim në familje, numri i vrasjeve nuk ka pësuar rënie.
