Topi: Qytetarët më të lirë, asnjë bashkëpunim me PD sakohë është aty Berisha

Edhe pse nuk arriti të përfaqësohet në parlament, FRD nuk është e humbura e këtyre zgjedhje, e vetmja përgjegjëse për humbjen e të djathtës është PD. Kjo ka qenë deklarata e kreut të FRD dhe ish presidentit të vendit Bamir Topi pas një shkëputje të madhe mediatike që prej zgjedhjeve të qershorit në emisionin e parë të sezonit të ri të “Tonight Ilva Tare” në RTV Ora News.Me një analizë të konsumuar, por që pritet të thellohet në muajt në vijim, Topi përcakton një terësi faktorësh si shkak të moskalimit të pragut të Kuvendit për një mandat deputeti, ku më kryesori sipas tij mbetet sjellja represionare e pushtetit të Sali Berishës, pa mohuar dhe indicje të vjedhjes së votës për të cilat tha nuk disponon fakte.Dhe pse u fol shumë në media për një takim mes tij dhe Kryetarit të PD, Basha, Topi deklaroi se nuk ka pasur asnjë takim me të, madje shkoi dhe një “ultimatum” ku deklaroi se sakohë Sali Berisha do jetë pjesë e PD, qoftë dhe në pozicionin e deputetit nuk do të ketë bashkëpunim FRD-PD.Me një gjuhë të ashpër është karakterizuar e gjithë analiza e tij për e figurat politike të Sali Berishës dhe Jozefina Topallit, por ndërsa Kryeministrit të dorëhequr ia njohu meritat si në drejtimin e PD ashtu dhe qeverisë, për ish-Kryeparlamentaren ruan në memorie drejtimin më të keq të Kuvendit në gjithë historinë e pluralizmit.

 Jeni dhe kumbari i nisjes së sezonit të ri të “Tonight”, patët një tërheqje të madhe nga mediat që pas  përfundimit të zgjedhjeve  pse?

Ka qenë një kohë për të tjerët jo për ne, është momenti të trajtojmë çështjen e ditës që është politika, për tu futur fort në rolin që ka politika në vend. Ka qenë periudhë tranzicioni, çdo gjë është konsumuar brenda rradhëve tona mbi rezultatin jo në publik. Ka pasur një analizë, veç gjetjes së arsyeve se pse FRD nuk përfaqsohet në parlament, do hartojmë një presfektivë të qartë për strategjinë politike në vijim. FRD do jetë streha e vërtetë për të gjithë demokratët, jo çdo gjë kondicionohet nga emri.

Do jeni opozitë e opozitës apo mazhorancës?

FRD është parti e qëndrës së djathtë, në rast se do ndeshim opozitarizëm brënda opozitarizmit nuk është faji ynë. PD ka përgjegjësi historike për gjithçka ka gatuar gjatë viteve përpos humbjes në 23 qershor.

Jeni parti e re, por kishit ambicje të mëdha, pretendonit grup parlamentar para 23 qershorit?

Pa u futur në një analizë të hollësishme, do trajtoja në mënyrë komplekse çështjen e riskut të futjes vetëm në zgjedhje. Tek ne prevaloi morali politik, sesa një kalkulim i çastit. Ndryshimet kushtetuese që u bënë nuk u përgjigjen realitetit. Dhe e treta çështja që ka të bëjë me financimin e partive. Pra janë elementë kompleksë, rezultati i marrë nga FRD është shumë premtues kështu që s’jemi të zhgënjyer.