Stankoviç:Sulmet e hakerave po provokojnë Serbinë
Nga OraNews Përditësimi i fundit 29 Korrik 2013, 09:00
Shefi i ekipit koordinues për jugun e Serbisë, Zoran Stankoviç, ka dënuar sulmin e hakerëve në faqen e internetit të komunës së Bujanocit dhe ka vlerësuar se ky është një nga provokimet që i janë bërë Serbisë.Ai ka theksuar se zyrtarët komunalë nuk kanë të bëjnë me ndryshimet në hartën që gjendet në faqen e internetit.“Në tre sulme që kanë ndodhur gjatë këtij viti, hakerët kanë ndërhyrë në faqen e internetit të komunës së Bujanocit”, i ka thënë Stankoviç Betës.Hakerët e kanë ndryshuar hartën e Serbisë në faqen e internetit të kuvendit komunal të Bujanocit duke e ndarë Kosovën nga Serbia, raporton agjencia serbe e lajmeve, BETA.Ndryshimi më saktë është bërë vetëm në versionin shqip dhe anglisht të kësaj faqeje të internetit, ndërsa në versionin serbisht harta ka mbetur e pandryshuar.
