Fundjava me diell e temperatura të larta, edhe java tjetër favorizuese për pushimet
Nga OraNews Përditësimi i fundit 13 Korrik 2013, 17:24
Kjo fundjavë do të jetë ideale për ata që kanë zgjedhur bregdetin për të pushuar. Meterologët thonë se kjo fundjavë ka lanë pas ditët me mot të paqëndrueshëm me reshje shiu dhe fundjva e dytë e korrikut është e nxehtë.Temperaturat në zonat bregdetare do të arrijnë deri në 32 gradë celcius. E shtuna ka diell të nxehtë, pra rritje me 2 apo 3 gradë celcius pa vranësira e pa reshje shiu. Temperaturat minimale nuk do të jenë më pak se 25 gradë celcius.Edhe të dielën zhiva e termometrit do të shënojë këtë vlerë temperaturash rreth 31-32 gradë celcius, favorizues për pushuesit në bregdet, në mesditë do të këtë vranësira, por jo reshje shiu. Pasdite temperaturat do të shënojnë 1 deri në 2 gradë rënie.Edhe java e ardhshme do të nisë mes vlerave të temperaturave, 29-30-31 grandë celcius. Sipas meterologëve ditët e javës së ardhshme do të jenë po kaq të nxehta.Në këtë të nxehtë për ata që pushojnë , por dhe për ata që duhet të vazhdojnë aktivitetet e tyre të përditshme, janë në punë apo në lëvizje mjekët rekomandojnë shmangien e daljeve në orët e drekës, në pikun e temperaturave.Këshilla është e vlefshme më tepër për fëmijët, të moshuarit, gratë shtatzëna dhe të sëmurët kronikë. Po ashtu këshillohet konsumimi i sa më shumë lëngjeve dhe ujit, pais trupi dehidratohet. Për ata që janë të detyruar të lëvizin, një çadër dhe një palë syze dielli duhen gjithmonë me vete.
