Sikur të isha unë kreu i SPAK? Adnan Xholi: Do bleja aparate përgjuese, dosjet do shpërndahen me short elektronik
Nga OraNews Përditësimi i fundit 16 Dhjetor 2022, 11:08
Adnan Xholi prokuror me një karrierë 24 vjeçare po prezanton para Këshillit të Lartë të Prokurorisë. Nëse Xholi do të ishte kryetari i SPAK ja objektivat e tij.
Premton se "Do rris shpejtësinë në kryerjen e hetimeve dhe vendimmarrjet përkatëse"
- Synoj të rris në mënyrë cilësore hetimet që po zhvillohen nga SPAK dhe të bëhen në një kohë sa më të shkurtër
- Prokurorët nuk do të ndihen vetëm asnjëherë nëse do të sulmohen përshkak të detyrës. Do të kenë mbrojtjen time prokurorët që zbatojnë ligjin dhe Kushtetutën.
- Do vijoj të jap sinergji të re mes prokurorëve e policisë gjyqësore.
- Do insistoj të vihet në eficencë struktura e shërbimeve të policisë gjyqësore që ndihmoi së tepërmi në efektivitetin e kësaj prokurorie.
Lufta e krimit kibernetik
- Duhet të përshtatemi teknologjisë. Do të ndërmarrim hapat që të trajnohen të gjithë prokurorët, oficerët e policisë gjyëqsore dhe BKH-së si funksionojnë këto pajisje.
- Do insistoj të bëj të mundur blerjen e programeve përkatëse për të bërë të mundur interceptimet telefonike të subjekteve që përdorin aplikacionet e ndryshme përmes internetit.
- Do synoj që një trupë elitë e prokurorëve të SPAK krahas prokurorit që ka cështjen të marrë pjesë dhe përfaqësojë prokurorinë pranë Gjykatës së Lartë.
- Të shtohet sektori i ekspertizës pranë prokurorisë së posacme. Krahas ekspertëve financiarë dhe eskpertë të cdo fushe si ato të krimit bankar dhe ekspertë të tjerë.
- Do të kërkoj shpërndarje transparente të materialeve kallëzuese dhe procedimeve apo përfaqësimeve të tyre në gjykim dhe mundësohet shorti elektronik.
- Do insistoj që të shtohet numri I skuadrave të përbashkëta hetimore. Të krijohen marrëveshje të përbashkëta me ato shtete ku ka shqiptarë. Efekti kohë ka të bëjë shumë.
- Do të mbaj kontakte të vazhdueshme me Inspektoren e Lartë të Drejtësisë.
- Të implementohet sistemi i menaxhimit të çështjeve pasi sot e kemi në exel dhe e kemi të pamundur përpunimi dhe raportimi para partnerëve që na kërkojnë në kohë reale.
