Universiteti i Tiranës rrit pagat e pedagogëve me 8 %
Nga OraNews Përditësimi i fundit 31 Tetor 2022, 13:41
Universiteti i Tiranës rrit pagat e pedagogëve me 8 %, informon gazetarja e Ora News, Nertila Dosti.
Vendimi është marrë në mënyrë unanime, por që të bëhet efektiv duhet që këtë vendim ta miratojë edhe Bordi i Administrimit të Universitetit të Tiranës.
Paga rritet me 8% vetëm për personelin akademik.
Pedagogët tashmë kanë hyrë në javën e tretë të protestës dhe bojkotit të mësimit ndërkohë që një prej kërkesave të tyre është rritja e pagave me 50% brenda dy viteve.
Sindikata e Arsimit të Lartë deklaroi sot se qeveria ka dy ditë kohë, deri të mërkurën, përndryshe në orën 16:00 do të nisin grevën e urisë.
