Atentati tek "Kodra e Diellit" merren në pyetje dy personat që çuan 39 vjeçarin në spital
Nga OraNews Përditësimi i fundit 31 Tetor 2022, 11:37
Prokuroria vijon hetimet për atentatit e ndodhur mbrëmjen e së dielës, 30 tetor 2022, tek rezidenca “Kodra e Diellit” në Tiranë.
Grupi hetimor po verifikon të kaluarën e 39 vjeçarit nga Lezha mes Italisë dhe Shqipërisë.
Policia e Tiranës po bashkëpunon me policinë e Lezhës pasi 10 vite më parë vëllai i viktimës ka plagosur një shtetas të familjes Kola në Lezhë për të verifikuar nëse vrasja e mbrëmshme ka lidhje me këtë ngjarje.
Briken Sanaj njihej edhe me emrin Skerdi Sanaj.
Anton Gjini dhe Emiljano Deda janë dy personat që e kanë shoqëruar të riun drejt spitalit të Traumës. Ata kanë dhënë deklarimet e tyre në polici dhe kanë shpjegur lidhjet me viktimën dhe dinamikën e ngjarjes, informon gazetari i Ora News, Edison Vatnikaj.
Briken Sanaj ka shkuar pa shenja jete në spital.
Atentati
Mësohet se kanë qenë dy grupe, njëri që ka bërë vëzhgimin e lëvizjeve të 39 vjeçarit dhe grupi tjetër që është afruar me makinë dhe ka bërë ekzekutimin e tij.
Në makinën tip Benz me targa AA 777GY që është gjetur duke u djegur në Qafë Kashar janë gjetur dhe gëzhoja të cilat janë sekuestruar dhe do ti nënshtrohen ekspertizës.
Gjithashtu policia ka sekuestruar dhe kamerat e sigurisë.
