Radhët e gjata në Kapshticë, reagon policia: U morën masa, dogana greke shtoi sportelet
Nga OraNews Përditësimi i fundit 30 Tetor 2022, 22:50
Policia e Shtetit ka reaguar lidhur me situatën e krijuar në pikën kufitare të Kapshticës ku u krijuan radhët e gjata të utomjeteve arritën në mbrëmje nga dogana deri në fshatin Kapshticë.
Në deklaratë thuhet se shefi i Stacionit të Policisë Kufitare të Kapshticës menjëherë mori takim me homologët në doganën greke të cilët pas takimit shtuan sportelet dhe aplikuan procedurën e përshpejtuar.
Radhë të gjata në pikën e kalimit kufitar të Kapshticës
30 Tetor, 17:29
Siç edhe u njoftua më herët policia konfirmon se për shkak se dogana në palën greke punonte me dy sportele u krijuan radhë në dalje të Republikës së Shqipërisë.
Por falë masave të marra lëvizja ka qenë e njëtrajtshme nga të dyja anët e kufirit duke eleminuar radhët e krijuara.
Aktualisht në këtë pikë kalimi nuk ka radhë dhe lëvizja paraqitet normale.
