Sulmuesi i Man. United në burg, shkeli rregullat e "lirimit me kusht"
Nga OraNews Përditësimi i fundit 15 Tetor 2022, 18:17
Mason Grenwood duhet të qëndrojë pak kohë pas hekurave për të qartësuar mendimet dhe për të menduar më mirë rreth veprimeve të pakontrolluara që vazhdon të bëjë. Sulmuesi i ri i Man. United, i pezulluar në janar për akuzën e përdhunimit, përfundoi në pranga mëngjesin e sotëm.
Ai tentoi të kontaktonte ish të fejuarën Harriet Robbson, femra që e ka akuzuar për dhunë dhe përdhunim. Ishte vetë ajo që në janar publikoi fotot e dëmtimeve që i kishte shkaktuar 21-vjeçari pas dhunës brutale.
Grenwood përfundoi menjëherë në pranga dhe u lirua me kusht deri në fund të hetimeve ndërsa Man. United pezulloi një nga lojtarët më të talentuar të grupit. Arrestimi i sotëm e komplikon edhe më shumë pozitën e sulmuesit qe mesa duket e ka shkatërruar përfundimisht karrierën e tij.
