“Partia e Referendumit na pret!” Meta: Drejtimin e LSI e lashë me vullnet të lirë para 5 viteve
Nga OraNews Përditësimi i fundit 25 Korrik 2022, 12:26
Përmes një postimi në rrjetin e tij social Facbook ish Presidenti Ilir Meta thotë se LSI-në e ka lënë me me vullnet të lirë para 5 viteve për arsye të rrethanave, që u krijuan në vend.
Sipas tij Referendumi zgjidh çdo problem, nga oligarkët te kapja e shtetit.
"Shpata e Demokleut" mbi të gjithë ata që abuzojnë me besimin e popullit të Shqipërisë dhe mbi Esad Pashët e rinj, që kanë tradhëtuar interesin kombëtar dhe i kanë ngulur thika pas shpine Kosovës.", shkruan Meta
Postimi i plotë:
SOVRANITETI NË SHQIPËRI I PËRKET POPULLIT.
PARTIA E REFERENDUMIT NA PRET!
Drejtimin e LSI e lashë me vullnet të lirë para 5 viteve për arsye të rrethanave, që u krijuan në vend. Nuk u riktheva sot për të rimarrë drejtimin e kësaj partie, por për të sjellë mesazhin e popullit të 2 marsit, pjesë e të cilit ka qenë edhe LSI në ato momenten, si dhe për t'u bashkuar të gjithë së bashku në triumfin e mesazhit të 2 marsit: Sovraniteti në Shqipëri i përket popullit.
Kjo do bëhet e mundur në mënyrë të padiskutueshme.
Partia e referendumit na pret!
Kjo zgjidh çdo problem, nga oligarkët te kapja e shtetit. Referendumi do të jetë "Shpata e Demokleut" mbi të gjithë ata që abuzojnë me besimin e popullit të Shqipërisë dhe mbi Esad Pashët e rinj, që kanë tradhëtuar interesin kombëtar dhe i kanë ngulur thika pas shpine Kosovës.
