Vlorë, qëlloi me armë zjarri në ajër për të kanosur një grua, shpallet në kërkim autori
Nga OraNews Përditësimi i fundit 25 Korrik 2022, 09:30
Një 40-vjeçar i cili ka qëlluar me armë zjarri në ajër, për të kanosur për motive të dobëta, një shtetase është shpallur në kërkim
Ngjarja ka ndodhur ditën e djeshme (24 korrik), pranë tunelit, në zonën e quajtur "Uji i Ftohtë".
“40 vjeçari Eurel Liçaj banues në Vlorë, dyshohet se pas një konflikti të çastit, për motive të dobëta, ka qëlluar me armë zjarri në ajër, me qëllim kanosjen e shtetases A. D., 58 vjeçe, banuese në Vlorë”, njofton policia.
Është sekuestruar dhe arma e zjarrit pistoletë.
Vijon puna nga ana e shërbimeve të Policisë, për kapjen e Eurel Liçaj.
Mes Eurel Liçaj dhe familjes së gruas në fjalë ka pasur një konflikt për zonën e plazhit privat të cilit ato klanë në zotërim tek zona pas tunelit.
Ky është një konflikt që përsëritet pasi Licaj së bashkume pronarin e biznesit ngjitur janë zënë me sende të forta dhe vitin e kaluar.
Konflikti vitin e kaluar u deklarua i mbyllur nga të dyja palët.
Burime për Ora News bëjnë me dije se konflikti këtë vit e ka fillin tek zënia e hapsirës me çadra dhe kush ka nga te dy ka më shumë klient.
Materialet iu referuan Prokurorisë pranë Gjykatës së Shkallës së Parë Vlorë, për veprime të mëtejshme.
