Gjermani/ Sulm me thikë në azil. Agresori qëlloi me thikë këdo që i hapte derën kur trokiste
Nga Ora News Përditësimi i fundit 28 Qershor 2022, 10:09
Një i moshuar ka humbur jetën pas një sulmi me thikë mbrëmjen e djeshme në një azil në Gjermaninë jugiore.
Të plagosur kanë mbetur dhe disa persona të tjerë që ndodheshin aty në momentin e ngjarjes ndërsa pesë të tjerë janë dërguar në spital.
Në një deklaratë policia tha se sulmuesi trokiti në disa dyer të objektit në Kressbronn në liqenin e Konstancës dhe filloi të godiste me thikë këdo që i hapte derën.
Agresori i arrestuar, një burrë 31-vjeçar, mendohet se jetonte në strehimore.
Policia nuk ka përcaktuar ende një motiv për sulmin.
