Tragjike/ Trupat u gjetën në makinën e fundosur në rezervuarin e Çekrezës, Emri i djalit dhe vajzës që humbën jetën
Nga Edison Vatnikaj Përditësimi i fundit 17 Qershor 2022, 11:01
Ora News mëson emrat e dy të rinjve që humbën jetën sot pasi trupat e pajetë të tyre u gjetën në një makinë të fundosur në rezervuarin e Çekrezit.
Ata janë Erjon Muca, 22 vjeç dhe Dorina Gjokgjinaj, 20 vjeçe.
“Si rezultat i kërkimeve nga polumbarët e RENEA-s u bë e mundur nxjerrja nga mjeti i trupave të pajetë të shtetasve E. M., 22 vjeç, dhe F. Gj., 20 vjeçe” informoi policia e Tiranës rreth orës 10:45 përmes një njoftimi për median.
Ka qenë roja i sigurisë i rezervuarit që rreth orës 07:20 ka njoftuar policinë për një makinë të fundosur në rezervuar.
Grupi hetimor po punon për sqarimin e plotë të rrethanave të ngjarjes.
Ende nuk dihen detajet e kësaj ngjarjeje të rëndë që u mori jetën dy të rinjve 20 vjeçarë
Trupat janë nxjerrë nga rezervuari.
