Në 22 maj zgjidhet kreu i ri i PD-së, kandidaturat pranohen deri në mesditën e 7 majit

Nga OraNews Përditësimi i fundit 3 Maj 2022, 16:09

Duket se është hapur zyrtarisht gara për kreun e PD-së tashmë.

Pas vendimeve të kuvendit kombëtar të 30 prillit, do të jetë data 22 maj ajo që do të caktojë kreun e ri të demokratëve.

Ndërkohë, ata që janë të interesuar për të kandiduar për këtë post duhet të paraqesin kandidaturën e tyre, duket të dorëzojnë dokumentet deri në orën 12:00 të datës 7 maj.

Kështu kandidatët e interesuar duhet të paraqesin një letër interesi, një jetëshkrim dhe formularin e pastërtisë së figurës.

Njoftimi i Komisionit të Organizimit dhe Kontrollit të Operacioneve Elektorale

Në bazë të Statutit të PDSH dhe Vendimit Nr. 2 të Kuvendit Kombëtar të PDSH, të dt. 30 prill 2022, Komisioni i Organizimit dhe Kontrollit të Operacioneve Elektorale njofton:

Afati i paraqitjes së kandidaturave për Kryetar të PDSH është dita e shtunë, datë 7 maj 2022, ora 12.00.

Dokumentacioni dorëzohet pranë Komisionit Organizimit dhe Kontrollit të Operacioneve Elektorale në Partinë Demokratike dhe përmban:

1. Kërkesë me shkrim, shfaqje interesi për kandidim;

2. Curriculum Vitae;

3. Formularin e plotësuar të pastërtisë së figurës.