Lushnje/ Humb kontrollin e motoçikletës gjatë natës, plagoset babai dhe djali 12-vjeçar
Nga Julian Kasapi Përditësimi i fundit 5 Prill 2022, 07:38
Një aksident ka ndodhur pak mas mesnatës, 5 prill në rrugën nacionale Cermë-Divjakë, në fshatin Çermë e sipërme.
Një 44-vjeçar ka humbur kontrollin e motoçikletës dhe si pasojë është plagosur rëndë së bashku me djalin e tij 12 vjeçar.
Të dy janë transportuar në spitalin e Lushnjës. Sipas mjekëve gjendja e tyre është e rëndë. Babë e bir udhëtonin pa kaskë mbrojtëse në kokë dhe janë përplasur në asfalt.
Uniformat blu dhe grupi hetimor po hetojnë shkaqet e aksidentit.
