Afera e incineratorëve, PD padit Armando Subashin në SPAK, Çupi: Miliona euro dëm
Nga OraNews Përditësimi i fundit 3 Mars 2022, 15:58
Pas padisë për Erion Veliajn, kryebashkiaken e Durrësit Emirjana Sako dhe Deputetin Alqi Bllako, Partia Demokratike ka çuar në SPAK edhe Kryebashkiakun e Fierit Armando Subashi.
Deputetja e PD Dhurata Çupi në një dalje për mediat ka renditur faktet që sipas saj konfirmojnë shkelje të rëndë të ligjit dhe që kanë shkaktuar miliona euro dëm ekonomik
Dhurata Çupi: Lidhet kontrata koncensionare në tetor të vitit 2016,ku i dërgohet për njoftim kryetarit të Bashkisë së Fierit, dhe pas lidhjes së kontratës i kërkohet dhe ndryshimi, i treti tashmë i ndërtimit të incineratorit.
Ka komunikime me zyrën e regjistrimit të pasurive të paluejshtme. Zyra e regjistrimit i vendos Bashkisë në dispozicion 10 pasuri për këtë zonë, nga të cilat 8 janë pasuri publike.
Çuditërish kryetari i Bashkisë ngrenë Komision dhe i propozon Këshillit të Bashkisë Fier, për zgjedhjen e dy pronave,pikërisht atyre dy pronave që janë pasuri private. Ajo çka është në gjykimin tonë e konsumuar dhe në kufijtë të shpërdorimit të detyrës është se kjo pasuri vlerësohet me vendim qeverie me një çmim shumë më të lartë se sa është vlera reale me vendim qeverie në këtë komunë, në fshatin Brostar. Me vendim qeverie toka bujqësore arë kishte 269 lekë metri katror, ndërkohë që propozimi për të shpronësuar pronarët është me çmim 2390 lekë metër katror.
