Vettingu, Kryemadhi hedh dyshime: Enigmë se si opozita ndryshoi qëndrim brenda një ore
Nga OraNews Përditësimi i fundit 10 Shkurt 2022, 16:22
Kryetarja e LSI, Monika Kryemadhi ka thënë se ka abstenuar sa i përket zgjatjeve të afateve të vettingut.
Në një deklarot për mediat Kryemadhi ka hedhur dyshime duke thënë se është shumë enigmatike se si opozita ndryshoi qëndrim nga kundër pro, për zgjatjen e procesit të vettingut.
Ajo tha se duhet të shkëputemi njëherë e përgjithmonë nga shitja e votave të qytetarëve për
Monika Kryemadhi: Po bëj të qartë qëndrimin e LSI sa i përket vettingut, edhe pse në fjalën time në parlament e kisha të qartë. Reforma në Drejtësi është një nga reformat më të rëndësishme, por që për hir të së vërtetës devijimi i saj duke krijuar problematika, ka lënë shumë për të dëshiruar. Dua t’ju ritheksoj se LSI ka marrë pjesë në Komisionin e Ligjeve në të gjitha mbledhjet, ka bërë oponencën në procesin e analizimit të afateve. në janar shkurt të 2018 LSI ka paraqitur një paketë ndryshimesh kushtetutës ku një pjesë kryesore përbënte kjo që u votua në parlament. Lë për të dëshiruar që PD nuk mori pjesë në asnjë mbledhje, përkundrazi e bojkotoi.
Dyshues në këtë proces ndryshimi nga për një orë nga kundra në pro, bën enigmatik. Duhet të shkëputemi nga shitja e votave për interesa personale. Nëse ka probleme me drejtësinë, prokurorin belg, me drejtësinë amerikane, anti-mafian, nuk mendoj që vota e deputetëve nuk duhet të ndryshojë brenda një ore.
Ndër të tjera ajo ka thënë se proceset që kanë të bëjnë me Kushtetutën e Shqipërisë duhet bërë me përgjegjshmëri
Monika Kryemadhi: Proceset që kanë të bëjnë me Kushtetutën e Shqipërisë duhet bërë me përgjegjshmëri. Shqiptarët po largohen nga Shqipëria, po ndihen më të varfër dhe të pa respektuar. Nuk mund të jetë e shenjë një godinë e tillë. Njerëzit nuk e kuptojnë se si mund të falsifikohet një dokument që shkon në Gjykatë Kushtetuese, e vettingu do të jetë peng i një ore për të ndryshuar mendjen sepse vazhdon drejtësia të kapet nga politika. Unë kam abstenuar, zoti Çela votoi pro. Por kur votoi pro PD, pse mos votojë Çela.
Ajo tha se ka votuar abstenim për reformën territoriale dhe pro për reformën zgjedhore.
"Unë kam votuar abstenim për reformën territoriale dhe pro për reformën zgjedhore."- tha ajo.
