Kanabis, armë dhe fishekë, arrestohen 2 vëllezërit nga Përmeti. Procedohet penalisht babai
Nga OraNews Përditësimi i fundit 4 Shkurt 2022, 10:46
Dy vëllezër nga Përmeti janë arrestuar, ndërsa babai i tyre është proceduar penalisht pasi me akuzën e prodhimit dhe shitjes së lëndëve narkotike.
Në kuadër të operacionit policor "Brothers" u bë arrestimi i F. Zh., 39 vjeç dhe A. Zh., 36 vjeç (vëllezër) banues në fshatin Bodar, Përmet, si dhe u procedua penalisht shtetasi Ll. Zh., 69 vjeç (babai i tyre).
Gjatë kontrollit të ushtruar nga shërbimet e Policisë, në një ambient në përdorim nga këta shtetas, në vendin e quajtur "Vinja", fshati Bënjë, Përmet, u gjetën 1.4 kg lëndë e dyshuar narkotike cannabis sattiva, një armë zjarri dhe një sasi fishekësh.
Në cilësinë e provës materiale u sekuestruan lënda e dyshuar narkotike, arma e zjarrit, fishekët dhe 2 aparate celulare.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Përmet, për veprat penale "Prodhimi dhe shitja e narkotikëve" dhe "Mbajtja pa leje e armëve, armëve shpërthyese dhe municionit".
